Лиссабоннинг "Спортинг" клуби ҳужумчиси Виктор Дьёкереш клубини ўзгартиришга тайёргарлик кўрмоқда.

27 ёшли футболчига "Манчестер Юнайтед" ва "Арсенал" асосий даъвогар бўлиб турибди. Record нашрининг янгиланган маълумотларига кўра, чоршанба куни швед агентининг "канонирлар" вакиллари билан учрашуви бўлиб ўтган. "Арсенал" ҳозирча футболчи бўйича расмий таклиф беришга тайёр бўлган ягона клубдир. Ҳужумчининг ўзи лондонликларнинг лойиҳаси унинг амбицияларига мос келади, деб ҳисобламоқда.

Виктор Дьекереш ўтган мавсумда "Спортинг" сафида 52 та ўйинда 54 та гол урди, шунингдек, 13 та голли узатмани амалга оширди. Transfermarkt порталида унинг тахминий нархи - 75 млн евро.