Lissabonning "Sporting" klubi hujumchisi Viktor Dyokeresh klubini o‘zgartirishga tayyorgarlik ko‘rmoqda.
27 yoshli futbolchiga "Manchester Yunayted" va "Arsenal" asosiy da’vogar bo‘lib turibdi. Record nashrining yangilangan ma’lumotlariga ko‘ra, chorshanba kuni shved agentining "kanonirlar" vakillari bilan uchrashuvi bo‘lib o‘tgan. "Arsenal" hozircha futbolchi bo‘yicha rasmiy taklif berishga tayyor bo‘lgan yagona klubdir. Hujumchining o‘zi londonliklarning loyihasi uning ambisiyalariga mos keladi, deb hisoblamoqda.
Viktor Dyekeresh o‘tgan mavsumda "Sporting" safida 52 ta o‘yinda 54 ta gol urdi, shuningdek, 13 ta golli uzatmani amalga oshirdi. Transfermarkt portalida uning taxminiy narxi - 75 mln yevro.













