"Манчестер Сити"нинг собиқ ярим ҳимоячиси Кевин де Брюйне янги жамоага ўтишга жуда яқин турибди. Бельгиялик журналист Саша Таволерининг маълум қилишича, Кевин "Наполи" қароргоҳида тиббий кўрикдан ўтиш учун Римга келган.
Қайд этилишича, де Брюйне шартнома имзолагани учун 10 миллион евро бонус олади. Футболчи яна бир мавсумга узайтириш имконияти билан икки йиллик шартнома имзолаши керак. "Наполи" яқин 24 соат ичида трансфер ҳақида расман эълон қилиши кутилмоқда.
Эслатиб ўтамиз, де Брюйне бунгача "Манчестер Сити" билан Премьер-лигада 6 марта ғалаба қозонган, шунингдек, Чемпионлар лигасида ҳам зафар қучган.
