Мадриднинг "Реал" клуби президенти Флорентино Перес ҳимоячи Трент Александр-Арнольд трансфери ҳақида фикр билдирди.
Эслатиб ўтамиз, футболчи бугун тиббий кўрикдан ўтди ва клуб билан шартнома имзолади. Англиялик футболчи Мадридда 12-рақамда тўп тепади, афсонавий Марсело ҳам шу рақам остида тўп тепган эди.
"Биз мутлақ афсона билан шартнома имзоладик. Трентнинг трансфери билан орзумиз амалга ошди. У дунёнинг энг буюк клуби - "Реал"да ўйнашга қарор қилди. "Ливерпуль" билан муносабатларимиз аъло даражада, улар бизнинг қадрдон дўстларимиз," - деди Перес матбуот анжуманида.
"Ливерпуль"даги 8 мавсум давомида Трент икки марта АПЛ ғолиби бўлган ва бир марта Чемпионлар Лигасида зафар қучган. Шу билан бирга, унинг жамоаси энг нуфузли еврокубок финалида икки марта айнан Мадриднинг "Реал"ига ютқазган.
