Франкфуртнинг "Айнтрахт" клуби спорт директори Маркус Креше Лондоннинг "Челси" ва "Ливерпуль" клублари қизиқишлари доирасида бўлган ҳужумчи Уго Экитике билан боғлиқ вазият ҳақида гапирди.
"Агар қизиққан клуб керакли суммани тўламаса, Экитике сафимизда қолади," - дея директорнинг сўзларини келтиради журналист Фабрицио Романо.
Манбанинг ёзишича, Лондоннинг "Челси" клуби икки ҳафта олдин "Айнтрахт"дан эҳтимолий битим шартлари ҳақида фақатгина сўраган, бошқа ҳеч қандай чора кўрилмаган. Эслатиб ўтамиз, Франкфурт клуби Экитикега 100 миллион евро нарх белгилаган эди. "Челси" айни дамда бунча пул тўлашга тайёр эмас.
