Спорт тадқиқотлари халқаро маркази (CIES Football Observatory) томонидан тақдим этилган ҳафталик ҳисоботга кўра, дунё бўйича энг кўп обуначига эга 100 та футбол клуби рейтинги тузилди. Ушбу рўйхат Х (аввалги Twitter), Instagram, Facebook, TikTok ва YouTube ижтимоий тармоқларидаги кузатувчилар сонига асосланган.

Рейтингда Испаниянинг “Реал Мадрид” клуби биринчи ўринни эгаллади. Жамоанинг умумий обуначилар сони 470 миллиондан ошган. Клуб 2024 йил июнь ойи бошидан буён 45,3 миллион янги обуначи қўшган, бу эса 11 фоизлик ўсишни ташкил этади. Иккинчи ўринда эса уларнинг азалий рақиби — “Барселона” (427,4 миллион обуначи) жой олган (+44,4 млн, +12,3%).

Учинчи ўринда Англиянинг “Манчестер Юнайтед” клуби (233,6 млн, +7,3 млн, +3,4%) жойлашган, тўртинчи поғонада эса Франциянинг “Париж Сен-Жермен” жамоаси (199,4 млн +6,3 млн, +3,4%) қайд этилган.

Топ ўнталикдан яна тўрт инглиз клуби — “Манчестер Сити”, “Ливерпуль”, “Челси” ва “Арсенал”, Германиянинг “Бавария” ҳамда Италиянинг “Ювентус” клублари ҳам ўрин олган.

Ижтимоий тармоқда энг кўп обуначига эга топ-10 клуб:

1. “Реал Мадрид” — 473,7 млн (45,3 млн, +11%)
2. “Барселона” — 427,4 млн (+44,4 млн, +12,3%)
3. “Манчестер Юнайтед” — 233,6 млн (+7,3 млн, +3,4%)
4. “Париж Сен-Жермен” — 199,4 млн (+6,3 млн, +3,4%)
5. “Манчестер Сити” — 179,5 млн (+12,7 млн, +8,0%)
6. “Ювентус” — 174,9 млн (+9,2 млн, +5,9%)
7. “Ливерпуль” — 166,7 млн (+10,9 млн, +7,5%)
8. “Челси” — 152,9 млн (+5,3 млн, +3,8%)
9. “Бавария” — 149,1 млн (+7,1 млн, +5,1%)
10. “Арсенал” — 114,1 млн (+7,0 млн, +6,9%)

Европадан ташқари энг оммабоп клублар:

1. “Фламенго” (Бразилия) — 62,0 млн (+4,8 млн, +8,8%)
2. “Ан-Наср” (Саудия Арабистони) — 60,2 млн (+4,9 млн, +9,0%)
3. “Ал-Аҳли” (Миср) — 53,7 млн (+5,2 млн, +10,2%)

Обуначилар сони бўйича катта ўсишга эришган клублар:

1. “Атлетико Мадрид” — +13,9 млн (+23,1%)
2. “Сантос” (Бразилия) — +82% нисбий ўсиш
3. “Коринтианс” (Бразилия) — +12,7%
4. “Галатасарой” — +11,3%
5. “Боруссия Дортмунд” — +11,2%
6. “Интер” (Италия) — +11,0%