«Наполи»нинг янги ярим ҳимоячиси Кевин Де Брюйне неаполликлар билан шартнома имзолаганидан сўнг фикр билдирди.
«Мен шу ердаман», — деб ёзди бельгиялик футболчи ижтимоий тармоқдаги Х (илгари Twitter) саҳифасида. У бу сўзларга журналистлар ва мухлислар томонидан кутиб олинаётган лавҳаларни илова қилди.
Аввалроқ ОАВ Де Брюйне билан тузилган меҳнат шартномаси уч йилга мўлжалланганини маълум қилган эди. 33 ёшли ярим ҳимоячи «Наполи» сафида йилига 5 миллион евро маош олади.
Ўтган мавсумда Де Брюйне «Манчестер Сити» таркибида 40 та ўйинда қатнашиб, 6 та гол ва 8 та голли узатма билан ажралди.













