Ҳужумчи Эдин Жеко тез орада Италияга қайтиши мумкин. 39 ёшли футболчи Туркиянинг "Фенербахче" клубини тарк этганидан сўнг эркин агентга айланади ва фахрийга А Серия вакиллари қизиқиш билдирган. Инсайдер Николо Скиранинг маълумотига кўра, "Фиорентина" босниялик футболчига икки йиллик шартнома таклиф қилган. Томонлар музокараларни давом эттирмоқда.
Эдин Жеко Италиянинг "Интер" ва "Рома" клубларида ўйнаган. Аввалроқ, ҳужумчи "Комо" ва "Болонья"га ўтиши мумкинлиги ҳақида хабарлар тарқалган эди.
Ўтган мавсумда Жеко "Фенербаҳче" сафида барча мусобақаларда 53 та ўйинда 21 та гол урди ва саккизта голли узатмани амалга оширди.
