Hujumchi Edin Jeko tez orada Italiyaga qaytishi mumkin. 39 yoshli futbolchi Turkiyaning "Fenerbaxche" klubini tark etganidan so‘ng erkin agentga aylanadi va faxriyga A Seriya vakillari qiziqish bildirgan. Insayder Nikolo Skiraning ma’lumotiga ko‘ra, "Fiorentina" bosniyalik futbolchiga ikki yillik shartnoma taklif qilgan. Tomonlar muzokaralarni davom ettirmoqda.
Edin Jeko Italiyaning "Inter" va "Roma" klublarida o‘ynagan. Avvalroq, hujumchi "Komo" va "Bolonya"ga o‘tishi mumkinligi haqida xabarlar tarqalgan edi.
O‘tgan mavsumda Jeko "Fenerbahche" safida barcha musobaqalarda 53 ta o‘yinda 21 ta gol urdi va sakkizta golli uzatmani amalga oshirdi.
