Англия терма жамоасининг собиқ бош мураббийи Фабио Капелло "Ювентус"нинг ҳужуми кучайиши мумкинлиги ҳақида фикр билдирди ва Турин клубига ҳужумчи Жошуа Зиркзеега эътибор қаратишни таклиф қилди.
"Зиркзее "Манчестер Юнайтед"да омади юришмади ва нидерландияликни Италияга қайтариш вақти келди. Унинг трансфери шартли равишда "Ювентус"га ўтиши айтилаётган Дьёкерешдан арзонроққа тушади. Швециялик "Спортинг"да сермаҳсул ҳужумчи сифатида ўзини кўрсатган бўлса-да, у ҳеч қачон бизникидек топ-лигада ўйнамаган. Менимча, тажрибалироқ ўйинчи фойдасига танлов қилиш оқилона бўларди," - дея Капеллонинг сўзларини келтиради Goal.
