Foot Mercato хабарига кўра, 22 ёшли Брэдли Барколага "Бавария" ва "Ливерпуль" клублари жиддий қизиқиш билдирмоқда. Иккала клуб ҳам вингерни асосий таркибда ўйнаши мумкин бўлган футболчи сифатида кўрмоқда. Бироқ, "ПСЖ" футболчини ўз томонига оғдиришга бўлган барча уринишларни қатъиян рад этди ва уни сотиш имкониятини бутунлай истисно қилди.
Хвича Кварацхелиянинг январь ойидаги шов-шувли трансферига қарамай, Барколя Луис Энрикенинг узоқ муддатли лойиҳасида асосий шахс бўлиб қолмоқда. Футболчининг ўзи ҳам клубини ўзгартиришни режалаштирмаяпти - у фаолиятини айнан Парижда давом эттирмоқчи.
Барколя 2023 йилнинг августида "Лион"дан 50 миллион евро эвазига "ПСЖ"га ўтганди. Ўшандан бери у парижликлар ҳужумининг муҳим қисмига айланди ва Франция терма жамоасида дебют қилди.
Эслатиб ўтамиз, Барколя 2024/25 йилги мавсумда "ПСЖ" сафида барча мусобақаларда 58 та ўйинда майдонга тушиб, 21 та гол ва 19 та голли узатмани амалга оширди. Transfermarkt портали унинг нархини 70 миллион еврога баҳоламоқда.
