"Барселона" ярим ҳимоячиси Френки де Йонг жамоада дуч келган барча муаммолар ўтмишда қолди, деб ҳисобламоқда. Бу ҳақда Diario Sport хабар бермоқда.
Манбага кўра, 28 ёшли нидерландиялик футболчи тез орада каталонияликлар билан меҳнат шартномасини узайтиришига ишонмоқда.
Де Йонг "Барселона" сафида 2019 йилдан буён тўп тепиб келмоқда. У ўтган мавсумда барча мусобақаларда 46та ўйинда майдонга тушиб, 2та гол урган ва 2та голга ҳаммуаллифлик қилган.
Ярим ҳимоячининг "кўк-анорранглилар" билан амалдаги меҳнат шартномаси 2026 йилнинг ярмигача мўлжалланган. Transfermarkt экспертлари де Йонгнинг нархини 45 миллион еврога баҳоламоқда.
