"Barselona" yarim himoyachisi Frenki de Yong jamoada duch kelgan barcha muammolar o‘tmishda qoldi, deb hisoblamoqda. Bu haqda Diario Sport xabar bermoqda.
Manbaga ko‘ra, 28 yoshli niderlandiyalik futbolchi tez orada kataloniyaliklar bilan mehnat shartnomasini uzaytirishiga ishonmoqda.
De Yong "Barselona" safida 2019 yildan buyon to‘p tepib kelmoqda. U o‘tgan mavsumda barcha musobaqalarda 46ta o‘yinda maydonga tushib, 2ta gol urgan va 2ta golga hammualliflik qilgan.
Yarim himoyachining "ko‘k-anorranglilar" bilan amaldagi mehnat shartnomasi 2026 yilning yarmigacha mo‘ljallangan. Transfermarkt ekspertlari de Yongning narxini 45 million yevroga baholamoqda.
