Журналист Фабрис Хокинснинг хабарига кўра, "Марсель" "Бёрнли"нинг 22 ёшли ҳимоячиси Эган-Райли билан тўлиқ келишувга эришган ва у 4 йиллик шартнома имзолайди.

Эган-Райли шу ёзда эркин агентга айланди. Унинг "Бёрнли" билан шартномаси ой охирида тугайди. "Страсбург" англияликни қўлга киритиш учун фаворит бўлгандек туюлди, аммо “Марсель” фурсатдан унумли фойдаланиб, трансферни тўхтатиб қолди. Айни дамда Англия U-21 терма жамоасида тўп тепаётган ҳимоячи тақвим имкон берган заҳоти тиббий кўрикдан ўтади.

Хокинснинг сўзларига кўра, Эган-Райлининг хизматларига "Вест Хэм Юнайтед", "Кристал Пэлас", "Милан" ва "Порту" ҳам қизиқиш билдирган.

2024/25 йилги мавсумда ҳимоячи “Бёрнли” сафида барча турнирлар доирасида 43 та ўйин ўтказиб, 1 та гол ва 1 та голли узатмани амалга оширган.