"Интер Майами"нинг испаниялик ҳимоячиси Хорди Альба клублар ўртасидаги жаҳон чемпионати олдидан ўз фикрларини билдириб ўтди.
"Мен ҳар доимгидек асабийман. Кучли рақиблар билан рақобат қилиш қанчалик қийинлигини биламан. Умид қиламанки, биз турнирда яхши кураш олиб борамиз, футболдан завқ олишни истаймиз. Бу футболчилар ва клуб учун ажойиб имконият", - дейди футболчи.
Америка клуби клублар ўртасидаги жаҳон чемпионати гуруҳ босқичида "Ал Аҳли", "Палмейрас" ва "Порту" жамоалари билан куч синашади. “Интер Майами” илк учрашувини 15 июнь куни Миср клубига қарши ўтказади.
