"Манчестер Сити" ҳужумкор ярим ҳимоячиси Жек Грилиш ҳозирча трансфер бозорида талабгир эмас.
29 ёшли футболчи "шаҳарликлар"нинг клублар ўртасидаги жаҳон чемпионати қайдномасидан четда қолди ва сотувга қўйилди. Англиялик футболчини қўлга киритиш истагида бўлганлар ҳозирча топилмади, шу боис "Манчестер Сити" футболчини ижарага беришга рози бўлиши мумкин, деб ёзади Guardian Sport. Шу билан бирга, манбанинг таъкидлашича, Манчестер гранди келишувга кейинчалик 50 миллион фунт стерлингга (деярли 59 миллион евро) сотиб олиш бандини киритишни талаб қилади.
Ўтган мавсумда Жек Грилиш Хосеп Гвардиола жамоаси сафида 32 та ўйинда майдонга тушиб, 3 та гол ва 5 та самарали пас муаллифи бўлди.
