"Manchester Siti" hujumkor yarim himoyachisi Jek Grilish hozircha transfer bozorida talabgir emas.
29 yoshli futbolchi "shaharliklar"ning klublar o‘rtasidagi jahon chempionati qaydnomasidan chetda qoldi va sotuvga qo‘yildi. Angliyalik futbolchini qo‘lga kiritish istagida bo‘lganlar hozircha topilmadi, shu bois "Manchester Siti" futbolchini ijaraga berishga rozi bo‘lishi mumkin, deb yozadi Guardian Sport. Shu bilan birga, manbaning ta’kidlashicha, Manchester grandi kelishuvga keyinchalik 50 million funt sterlingga (deyarli 59 million yevro) sotib olish bandini kiritishni talab qiladi.
O‘tgan mavsumda Jek Grilish Xosep Gvardiola jamoasi safida 32 ta o‘yinda maydonga tushib, 3 ta gol va 5 ta samarali pas muallifi bo‘ldi.
