Женнаро Гаттузонинг отаси Франко Гаттузо ўғлининг Италия терма жамоаси бош мураббийи лавозимига тайинланиши яқинлашиб келаётганини тасдиқлади.
Ойнинг бошида 47 ёшли мутахассис Хорватиянинг "Хайдук" клубини тарк этганди, энди эса "скуадра адзурра" бошқарувида Лучано Спаллетти ўрнини эгаллайдиган кўринади.
"Рино терма жамоага мураббий бўлиши мумкин - тасдиқланиш арафасида. Биз ҳаммамиз у учун жуда хурсанд бўламиз, чунки у бунга лойиқ. Агар у жаҳон чемпионатини Италияга қайтара олса, ажойиб бўлади, аммо у ҳали олдинга қўйилган вазифани уддалай олишини исботлаши керак. Унга вақт бериш керак," - дея Франко Гаттузонинг сўзларини келтиради Football Italia.
Италия терма жамоасининг навбатдаги учрашуви 5 сентябрь куни бўлиб ўтади - унга Эстония рақиблик қилади.
