"Милан" "Ювентус" ҳужумчиси Душан Влаховични ўз сафига қўшиб олмоқчи.
Туринликлар бу ёзда сербни сотиш имкониятини жиддий кўриб чиқмоқда, чунки унинг шартномаси бир йилдан кейин тугайди. Вазиятдан "россонерилар" унумли фойдаланишлари мумкин, уларнинг бош мураббийи Массимилиано Аллегри футболчи билан "Ювентус"даги ҳамкорлик орқали яхши таниш. Sky Sport хабарига кўра, "кекса синьора" форвардни тўғридан-тўғри рақибига камида 30 млн еврога сотади.
Аллегрининг фикрича, Душан Влахович унинг тизимига жуда мос келади, аммо 25 ёшли футболчининг маоши жиддий муаммо бўлиб қолмоқда. Битимни бекор қилиш осон бўлмайди.
