"Бухоро" – "Андижон" (1:1) учрашувидан кейинги матбуот анжуманининг иккинчи қисмида бухороликлар устози Улуғбек Бақоэв иштирок этди.

- Биринчи таймда агрессив ҳаракат қилдик. Яхши ўйин бўлди. Биринчи таймда ҳам вазиятлардан фойдаланишга ҳаракат қилдик. Кейин гол ўтказиб юбордик. Аммо яхши ўйнаб, жавоб голини урдик. Дурангга мос ўйин бўлди. Йигитларга раҳмат. Кейинги ўйинга яхши тайёргарлик кўрамиз.

- Бегичнинг ўйинига қандай баҳо берасиз?

- Бир қатор вазиятлар бўлди. У жароҳатдан сўнг биринчи марта майдонга тушди. Ўйлайманки, жамоа учун фойдали ўйин кўрсатди.

- Дарвозабон Ширинбой Абдуллаевнинг ўйин ҳақида ҳам нима дея оласиз? У бир нечта ҳолатларда жамоани қутқарди.

- Албатта, дарвозабон хавфли зарбаларни қайтариши керак-да. Футболчиларда шундай ҳолатлар бўладики, унда ҳам танаффус бўлганди ва биз уни қўллаб-қувватладик. Мана, у яна ўйнашни бошлади.

- Шахбоз Жўрабеков ҳақида сўрамоқчиман. У кетма-кет учта учрашувдан бери гол уряпти...

- У бошқа чизиқда ўйнарди. Бу сафар вингер сифатида кўрдик. Жўрабековда дриблинг ҳам, кучли зарба ҳам бор. Ўз устида яхши ишласа, албатта гол уради. Машғулот жараёнида кўп айтаман, ким яхши ҳаракат қилиб, кўпроқ аниқ зарбалар берса гол уради. Албатта, бу ерда маҳорат ҳам аҳамиятга эга. Уни кучли зарбалари бор. Шу сабабли у голлар уряпти. Футболчи кучли зарба билан гол урдими, демак, ўз устида яхши ишлаяпти ва моҳирона ҳаракат қиляпти.