"Милан" марказий ҳужумчиси Лука Йович ёзда Италия клубини тарк этиши мумкин.
Таниқли инсайдер Николо Скиранинг ижтимоий тармоқдаги саҳифасида таъкидланишича, 27 ёшли форвард июнь ойи охирида клуб билан меҳнат шартномаси якунланиши муносабати билан "Милан"ни текинга тарк этишга тайёр.
Йович 2023 йил сентябрь ойида Милан жамоаси футболчисига айланганди. У Италия чемпионатининг ўтган мавсумида 15 та ўйинда майдонга тушиб, 2 та гол урган.
Нуфузли "Transfermarkt" интернет портали маълумотларига кўра, Йовичнинг нархи икки ярим миллион еврони ташкил этади.
