Англиянинг "Вулверхэмптон" клуби устози Витор Перейра Португалиянинг "Бенфика" клуби бош мураббийлигига асосий номзод ҳисобланади. Бу ҳақда Correio da Manhã хабар бермоқда.
Манбага кўра, Перейра хизматига клуб президенти Руй Кошта жуда катта қизиқиш билдирмоқда. У мавсумни "Бенфика"да бошлаши ҳақида аввалроқ айтилган гапларга қарамай, амалдаги мураббий Бруно Лаженинг ўрнини эгаллаши мумкин.
Mais Sport нашрининг маълум қилишича, "Бенфика"нинг клублар ўртасидаги жаҳон чемпионатидаги иштироки мураббийни ўзгартириш режаларига таъсир қилиши мумкин.
Ўтган мавсумда "бургутлар" чемпионатни иккинчи ўринда якунлаб, Португалия кубоги финалига қадар етиб борган ва ҳар икки ҳолатда ҳам "Спортинг"дан ортда қолган эди.
