Туриннинг "Ювентус" клуби хўжайинлари жамоанинг майдон марказини кучайтиришни изламоқда. Инсайдер Жанлука ди Марционинг ижтимоий тармоқлардаги хабарларига кўра, "кекса синьора"нинг қизиқишлари доирасида бир неча футболчи бор.
Манбага кўра, Турин гранди Давиде Фраттези ("Интер") ва Сандро Тонали ("Ньюкасл") номзодларини кўриб чиқмоқда. Шунингдек, аввалроқ "кекса синьора" "Аталанта"дан бразилиялик Эдерсонга қизиқиш билдираётгани ҳақида хабарлар тарқалган эди.
Италия чемпионатининг ўтган мавсумида "Ювентус" тўртинчи ўринни эгаллади ва Европа Чемпионлар Лигаси йўлланмасини қўлга киритди. 13 июнь куни туринликлар бош мураббий Игор Тудор билан шартномани узайтиргани маълум бўлди.
