Мадриднинг "Атлетико" клуби устози Диего Симеоне жамоани бошқараётганига ўн йилдан ошганига қарамай, нега клуб билан ишлашда давом этаётгани ҳақида гапирди.
"Атлетико"ни 2011 йилдан буён бошқариб келаётган аргентиналик мутахассис ҳозирги лойиҳанинг салоҳиятига ишонишини таъкидлади.
"Нега ҳалиям шу ердаман? Чунки яхши вақтлар яқинлигини ҳис қиляпман. Клубда ривожланиш учун реал истиқболлар борлигига ишонаман ва сўнгги икки-уч йил буни тасдиқламоқда. Ўтган мавсумдан бери биз қайта туғилгандек бўлдик - кучлироқ бўлдик, яна рақобатбардош бўлдик. Мен янги келганимда, жамоа тузилмадан кўра тезроқ ривожланаётган эди. Кейин клуб ўсиш суръати бўйича бизни қувиб етди ва ортда қолдирди. Шундан сўнг қандайдир ўтиш даври бошланди. Ҳозир яна жамоа ва клубнинг синхрон ҳаракатини кўряпман. Ва бу ишонч бағишлайди: энг яхшиси ҳали олдинда," - деди мутахассис DAZN нашрига берган интервьюсида.
