Madridning "Atletiko" klubi ustozi Diyego Simeone jamoani boshqarayotganiga o‘n yildan oshganiga qaramay, nega klub bilan ishlashda davom etayotgani haqida gapirdi.
"Atletiko"ni 2011 yildan buyon boshqarib kelayotgan argentinalik mutaxassis hozirgi loyihaning salohiyatiga ishonishini ta’kidladi.
"Nega haliyam shu yerdaman? Chunki yaxshi vaqtlar yaqinligini his qilyapman. Klubda rivojlanish uchun real istiqbollar borligiga ishonaman va so‘nggi ikki-uch yil buni tasdiqlamoqda. O‘tgan mavsumdan beri biz qayta tug‘ilgandek bo‘ldik - kuchliroq bo‘ldik, yana raqobatbardosh bo‘ldik. Men yangi kelganimda, jamoa tuzilmadan ko‘ra tezroq rivojlanayotgan edi. Keyin klub o‘sish sur’ati bo‘yicha bizni quvib yetdi va ortda qoldirdi. Shundan so‘ng qandaydir o‘tish davri boshlandi. Hozir yana jamoa va klubning sinxron harakatini ko‘ryapman. Va bu ishonch bag‘ishlaydi: eng yaxshisi hali oldinda," - dedi mutaxassis DAZN nashriga bergan intervyusida.
