"Ал-Аҳли" "Тоттенхэм"нинг собиқ бош мураббийи Анге Постекоглуга қизиқиш билдирмоқда, деб ёзади The Telegraph.
Саудия клуби бош мураббийи Маттиас Яйсле 2025 йилнинг ёзида жамоани тарк этиши мумкин, шу боис "Ал-Аҳли" унинг кетишига тайёргарлик кўрмоқда. 37 ёшли германиялик Европага қайтиш ниятида ва унинг "Вест Хэм" ёки "РБ Лейпциг"га тайинланиши ҳақида миш-мишлар тарқалган эди.
"Тоттенхэм" 6 июнь куни Постекоглуни истеъфога чиқарди. Жамоа ўтган мавсумда АПЛда ўн еттинчи ўринни эгаллади ва Европа Лигаси ғолибига айланди.
Ўз навбатида, "Ал-Аҳли" Саудия Арабистони чемпионатида бешинчи ўринни эгаллади ва Элит Осиё Чемпионлар лигасида ғолиб чиқди.
