Европанинг энг ёрқин ёш ўйинчиларидан бири, "Байер" ярим ҳимоячиси Флориан Вирц, "Бавария"дан анча сахийроқ молиявий таклифга қарамай, "Ливерпуль"ни танлади.
Инсайдер Кристиан Фалькнинг сўзларига кўра, "Бавария" Вирцга бутун шартнома муддати учун "қизиллар" таклиф қилганидан 24 миллион евро кўпроқ тўлашга тайёр эди. Бироқ футболчининг ўзи Премьер-лигадаги лойиҳага устунлик берди. Қайд этилишича, Вирцнинг "Ливерпуль"даги маоши йилига 20-22 миллионни ташкил қилади.
Миш-мишларга кўра, Вирцнинг трансфер нархи 140 миллион атрофида. Аввалроқ "Ливерпуль" ва футболчи шахсий шартнома шартларини келишиб олгани ҳақида хабар берилганди. Шундай қилиб, битим якунланиш арафасида.
