Yevropaning eng yorqin yosh o‘yinchilaridan biri, "Bayer" yarim himoyachisi Florian Virs, "Bavariya"dan ancha saxiyroq moliyaviy taklifga qaramay, "Liverpul"ni tanladi.
Insayder Kristian Falkning so‘zlariga ko‘ra, "Bavariya" Virsga butun shartnoma muddati uchun "qizillar" taklif qilganidan 24 million yevro ko‘proq to‘lashga tayyor edi. Biroq futbolchining o‘zi Premyer-ligadagi loyihaga ustunlik berdi. Qayd etilishicha, Virsning "Liverpul"dagi maoshi yiliga 20-22 millionni tashkil qiladi.
Mish-mishlarga ko‘ra, Virsning transfer narxi 140 million atrofida. Avvalroq "Liverpul" va futbolchi shaxsiy shartnoma shartlarini kelishib olgani haqida xabar berilgandi. Shunday qilib, bitim yakunlanish arafasida.
