"Пиза" Италия футболи элитасига қайтгач, клуб раҳбарияти бош мураббийликка Альберто Жилардино номзодини жиддий кўриб чиқмоқда.

Инсайдер Николо Скиранинг ёзишича, 42 ёшли мутахассисга 2027 йилгача мўлжалланган шартнома тайёрланмоқда. Жилардино учун бу 2024 йилнинг ноябрида "Женоа"ни тарк этганидан бери А Сериядаги биринчи иши бўлиши мумкин. Футболчи сифатида у Индзаги каби "Милан"да ўйнаган ва 2006/07 йилги мавсумда Чемпионлар лигасида ғолиб чиққан.

Филиппо Индзагининг истеъфоси 13 июнь куни содир бўлди - унинг қўл остида "Пиза" Б серияда иккинчи ўринни эгаллади ва юқори дивизионга йўл олди.