"Интер" шарафини ҳимоя қилаётган Меҳди Тареми миланликлар сафида клублар ўртасидаги жаҳон чемпионатида иштирок этмайди.
Бу ҳақда La Gazzetta dello Sport нашри ёзмоқда. Манбага кўра, ҳужумчи минтақадаги вазиятнинг кескинлашуви ва Исроилнинг ҳужумлари фонида ёпиқ ҳаво ҳудуди туфайли Эрон ҳудудини тарк эта олмаган. Кетишнинг турли вариантлари кўриб чиқилди, аммо кетиш билан боғлиқ хавфлар жуда юқори бўлиб чиқди.
Қайд этилишича, "Интер" футболчини қўллаб-қувватлаш ва мумкин бўлган ечимни топиш учун Эроннинг Италиядаги дипломатик вакиллари билан доимий алоқада бўлиб турибди. Шу билан бирга, Тареми хавфсизликда экани таъкидланмоқда.
