"Inter" sharafini himoya qilayotgan Mehdi Taremi milanliklar safida klublar o‘rtasidagi jahon chempionatida ishtirok etmaydi.

Bu haqda La Gazzetta dello Sport nashri yozmoqda. Manbaga ko‘ra, hujumchi mintaqadagi vaziyatning keskinlashuvi va Isroilning hujumlari fonida yopiq havo hududi tufayli Eron hududini tark eta olmagan. Ketishning turli variantlari ko‘rib chiqildi, ammo ketish bilan bog‘liq xavflar juda yuqori bo‘lib chiqdi.

Qayd etilishicha, "Inter" futbolchini qo‘llab-quvvatlash va mumkin bo‘lgan yechimni topish uchun Eronning Italiyadagi diplomatik vakillari bilan doimiy aloqada bo‘lib turibdi. Shu bilan birga, Taremi xavfsizlikda ekani ta’kidlanmoqda.