Томас Франкнинг "Тоттенхэм" бош мураббийи этиб тайинланиши унинг даромадига ижобий таъсир кўрсатади.
The Times нашрининг ёзишича, даниялик мутахассис аввалги иш жойига нисбатан маошини сезиларли даражада оширади. Лондон клуби билан уч йиллик шартномага кўра, Франк саккиз миллион фунт олади, бу унинг "Брентфорд"даги аввалги даромадидан уч баробардан кўпроқ.
Англия чемпионатининг ўтган турида "Брентфорд" 56 очко билан 10-ўринни эгаллади. "Тоттенхэм" 38 очко билан мавсумни 17-ўринда якунлади.













