"Челси"нинг собиқ ярим ҳимоячиси Клод Макелеле Лиам Делап трансферидан кейин Лондон клубининг ҳужум чизиғидаги вазиятга изоҳ берди.
Унинг фикрича, Делап ва Николас Жексон ўртасидаги рақобат жамоага фойда келтириши мумкин. Собиқ футболчининг сўзлари BBC томонидан келтирилган.
"Челси"да аниқ йўналиш бор - ёшларга тикилган пуллар ўз натижасини бера бошлади. Жексон - яхши ҳужумчи ва уни танқид қилиш керак эмас. У ўтган мавсумда катта ишларни амалга оширди, гол урди, ассистлар берди, курашди. Аммо агар клуб Премьер-лигада чемпионлик учун курашишни ва Чемпионлар лигасида ўйнашни истаса, янада кучайиши керак, - деди Макелеле.
