Аргентиналик ярим ҳимоячи Франко Мастантуоно шу ҳафта "Ривер Плейт"дан Мадриднинг "Реал" клубига ўтди. Битим суммаси 60 миллион евродан ошди. 17 ёшли футболчи билан узоқ муддатли меҳнат шартномаси имзоланди.
Ушбу трансфер туфайли бразилиялик Родригонинг "қироллик клуби"да қолиш имкониятлари ёмонлашди. Ҳужум чизиғидаги катта рақобат туфайли 24 ёшли вингер ёзда "қаймоқранглилар"ни тарк этиши мумкин. Бу ҳақда Todofichajes нашри хабар бермоқда.
Ҳужумчининг трансфер нархи 90 миллион еврога баҳоланмоқда, унинг "Реал" билан шартномаси 2028 йилнинг июнь ойи охиригача мўлжалланган. Бразилиялик футболчининг хизматларига Англия чемпионатининг бир қатор топ-клублари қизиқиш билдирмоқда.
