"Наполи"нинг нигериялик форварди Виктор Осимхен "Галатасарой"га доимий асосда ўтиши мумкин. Бу ҳақда журналист Флориан Плеттенберг маълум қилди.
Манбага кўра, "Галатасарой" сўнгги уч-тўрт кун ичида Англиянинг етакчи клублари яна пойгага қўшилганига қарамай, Виктор Осимхен билан шартнома имзолашга оптимистик қарашда давом этмоқда.
Таъкидланишича, "Галатасарой" 26 ёшли Осимхенга йилига 15-20 миллион евро соф маош таклиф қилмоқда. Бироқ, энг катта муаммо 75 миллион еврони ташкил этувчи товон пули бўйича тўловлар таркиби бўлиб қолмоқда.
Осимхен 2024/25 йилги мавсумни "Галатасарой"да ижара асосида ўтказди. Унинг ҳисобида 41 ўйин, 37 гол ва 8 голли узатма бор.
