Рафаэль Леаунинг келгусидаги фаолияти А Сериядан ташқарига кўчиши мумкин.
Инсайдер Кристиан Фалькнинг маълум қилишича, "Милан"нинг ҳужумкор етакчиси Англия Премьер-лигасининг бир қатор клублари эътиборига тушмоқда.
Манбага кўра, Мюнхеннинг "Бавария" клуби вакиллари Чемпионлар лигаси финали олдидан португалиялик футболчининг агентлари билан учрашув ўтказган. Бироқ ўшандан бери музокаралар олдинга силжимади. Шу фонда инглиз клублари Леауга бўлган қизиқишни кучайтирди: "Ливерпуль" футболчини устувор мақсад сифатида кўрмоқда, "Арсенал" эса "Атлетик"дан Нико Уильямсни қўлга кирита олмаса, уни муқобил вариантлар рўйхатига киритди.
26 ёшли вингернинг "Милан" билан шартномаси 2028 йилнинг ёзигача амал қилади. Transfermarkt Леани 75 миллион еврога баҳоламоқда. Ўтган мавсумда португалиялик "россонерилар" сафида 50 та ўйинда майдонга тушиб, 12 та гол урди ва 13 та голли узатмани амалга оширди.
