Rafael Leauning kelgusidagi faoliyati A Seriyadan tashqariga ko‘chishi mumkin.

Insayder Kristian Falkning ma’lum qilishicha, "Milan"ning hujumkor yetakchisi Angliya Premyer-ligasining bir qator klublari e’tiboriga tushmoqda.

Manbaga ko‘ra, Myunxenning "Bavariya" klubi vakillari Chempionlar ligasi finali oldidan portugaliyalik futbolchining agentlari bilan uchrashuv o‘tkazgan. Biroq o‘shandan beri muzokaralar oldinga siljimadi. Shu fonda ingliz klublari Leauga bo‘lgan qiziqishni kuchaytirdi: "Liverpul" futbolchini ustuvor maqsad sifatida ko‘rmoqda, "Arsenal" esa "Atletik"dan Niko Uilyamsni qo‘lga kirita olmasa, uni muqobil variantlar ro‘yxatiga kiritdi.

26 yoshli vingerning "Milan" bilan shartnomasi 2028 yilning yozigacha amal qiladi. Transfermarkt Leani 75 million yevroga baholamoqda. O‘tgan mavsumda portugaliyalik "rossonerilar" safida 50 ta o‘yinda maydonga tushib, 12 ta gol urdi va 13 ta golli uzatmani amalga oshirdi.