"Милан" клуби ва Бразилия терма жамоасининг собиқ футболчиси Кафу Италия терма жамоаси бош мураббийи лавозимига Женнаро Гаттузонинг тайинланишини қўллаб-қувватлади.
"У Италияни бошқариш учун муносиб характерга эга. Футболчилик вақтидаёқ уни ўзининг кучли томонига айлантирди. Италияда истеъдодлар кам эмас. Эҳтимол, улар ўтмишдагига қараганда камроқдир, Бразилия ҳақида ҳам шундай дейиш мумкин. Мен яна бир Италияни кўришни кутяпман - унда жаҳон чемпионатига чиқиш учун барча имкониятлар бўлади," - дея Кафунинг сўзларини келтиради La Gazzetta dello Sport.
