Мадриднинг "Атлетико" клуби дарвозабони Ян Облак клублар ўртасидаги жаҳон чемпионати гуруҳ босқичининг биринчи турида Франциянинг "ПСЖ" клубига қарши ўйин олдидан фикр билдирди.
"Бундай рақибларга қарши ўйнаш ҳар доим қийин. Қийинчиликларсиз ўйин ўтказиб бўлмайди. Биз Чемпионлар лигаси ғолиби, Лига 1нинг энг яхши жамоаси билан тўқнаш келамиз. Улар барча совринларни қўлга киритишди. Биз бу йил уларга қарши ўйнадик, шунинг учун қанчалик қийин бўлишини тушунамиз", - деди словениялик посбон.
"ПСЖ" - "Атлетико" учрашуви бугун, 15 июнь куни бўлиб ўтади, учрашув Тошкент вақти билан 23:59да бошланади.
