Мадриднинг "Атлетико" клуби бош мураббийи Диего Симеоне клублар ўртасидаги жаҳон чемпионатидаги мағлубиятдан (0:4) кейин "ПСЖ"нинг кучи ҳақида гапирди.
Гуруҳ босқичининг 1-тур учрашувида парижликлар Фабиан Руис, Витинья, Сенни Меюлю ва Ли Кан Иннинг голлари эвазига зафар қучди.
"ПСЖ" - катта клуб. Луис Энрикега ҳужумнинг чап қанотида кучайтириш керак бўлганида, улар январь ойида вингер [Хвича Кварацхелия] учун 70 млн евро сарфлади! Иккинчи бўлимда муносиб ҳаракат қилдик, аммо VAR голни бекор қилди, кейин эса камчилик бўлиб қолдик - "ПСЖ" ўз имкониятларидан фойдаланди. Бир хил мавзуларда гапиришдан чарчадим, ўзимни қурбон қилиб кўрсатишни истамайман. Биз ўзимиздан яхшироқ бўлган кучли рақиб билан ўйнадик. Аммо ньюансларни ҳисобга олиш керак," - деди Симеоне матбуот анжуманида.
