"Наполи" "Ливерпуль" ҳужумчиси Дарвин Нуньеснинг трансферини амалга оширишга қатъий бел боғлаган.
"Қизиллар" жорий ёзда уругвайлик билан хайрлашишга тайёр ва айнан Италия чемпиони сўнгги кунларда футболчи учун асосий даъвогар сифатида тилга олинмоқда. Инсайдер Фабрицио Романонинг янгиланган маълумотига кўра, неаполликлар трансфер устида жиддий иш бошлаган: клуб телефон орқали мулоқотдан тўғридан-тўғри ва аниқ музокараларга ўтган.
Дарвин Нуньес Саудия Арабистони чемпионати вакилларига ҳам қизиқ. Transfermarkt экспертлари мерсисайдликларнинг 25 ёшли форвардини 45 млн еврога баҳоламоқда.
