"Челси" бош мураббийи Энцо Мареска жамоанинг янги ҳужумчиси Лиам Делап ҳақидаги фикрлари билан ўртоқлашди.
22 ёшли футболчи "аристократлар" сафига июнь ойи бошида "Ипсвич"дан келиб қўшилганди. "Тракторчилар" юлдузининг трансфери лондонликларга 35,5 млн еврога тушган. У жамоада тўққизинчи рақамни олди.
"Лиам бу клубда тўққизинчи рақам қанчалик муҳимлигини билади. У хотиржам, "лаънатланган" рақам билан ҳеч қандай муаммо йўқ. Биз узоқ вақтдан бери, "Манчестер Сити"дан бери танишмиз. У биз учун жуда яхши вариант: Лиам биз унга нима бера олишимизни билади, биз эса у бизга нима бера олишини биламиз. Умид қиламанки, у гол кўп уради," - дея Маресканинг сўзларини келтиради журналист Бен Жейкобс.
