Мадриднинг "Атлетико" клуби футболчиси Коке клублар ўртасидаги жаҳон чемпионатида Франциянинг "Пари Сен-Жермен" клубига қарши ўйин (0:4) натижасига изоҳ берди.
"Антуан Гризманн вазиятида ҳисобни тенглаштиришимиз мумкин эди, аммо кейин иккинчи голни ўтказиб юбордик. Альварес гол урганида қоида бузилгани учун гол бекор қилинди. Ҳакамлар хоҳлаган пайтда ҳуштак чалишди. Ҳар бир майда-чуйда деталь рақиб фойдасига ҳал бўлди. Огоҳлантиришлар фақат битта клубга қаратилди. Энди бизда ғалаба қозонишимиз шарт бўлган 2 та муҳим учрашув қолди," - дейди футболчи Marca нашрига берган интервьюсида.
