Миланнинг "Интер" клуби ярим ҳимоячи Хоқон Чалханўғлини сотишга шошилмаяпти.

Футболчининг трансферига хавбекнинг ўзи билан алоқа ўрнатган "Галатасарой" жиддий қизиқиш билдирмоқда. Журналист Фабрицио Бьязиннинг маълумотига кўра, Чалхонўғлининг агенти ўз мижозининг турк клубига ўтишини талаб қилмоқда, бироқ "нерадзуррилар" раҳбарияти 31 ёшли футболчини лойиҳанинг асосий фигураларидан бири деб ҳисоблагани учун уни сотишни маъқулламоқчи эмас.

Хоқон Чалхонўғлининг "Интер" билан амалдаги меҳнат шартномаси 2027 йилнинг ярмигача мўлжалланган. Ўтган мавсумда турклар барча мусобақаларда миланликлар сафида 47 та ўйинда 11 та гол ва саккизта голли узатмани амалга оширди.