"Манчестер Юнайтед" вингери Алехандро Гарначо Англия Премьер-лигасининг бошқа клубига ўтиши мумкин.
"Қизил иблислар" ёзда аргентиналик футболчи бўйича таклифларни эшитишга тайёр. Журналист Саймон Жонснинг ёзишича, Гарначони "Челси," "Астон Вилла" ва "Тоттенхэм" клублари ўз сафига қўшиб олиш имкониятини кўриб чиқмоқда. Шунингдек, 20 ёшли футболчига Италиянинг "Наполи" клуби ҳам қизиқиш билдирмоқда.
Алехандро Гарначонинг Transfermarkt баҳосига кўра, нархи 45 млн еврога тенг. Футболчининг "Манчестер Юнайтед" билан амалдаги меҳнат шартномаси 2028 йилнинг ярмигача мўлжалланган.













