"Барселона" ярим ҳимоячиси Ноа Дарвих Бундеслиганинг нуфузли клублари эътиборига тушиб қолди.
"Кўк-анорранглилар" бош мураббийи Ханс-Дитер Флик мавсумолди тайёргарлик жараёнида 18 ёшли футболчига умид қилмоқда, аммо у аллақачон немис клубларидан бир нечта таклиф олган. Sport хабарига кўра, Дарвих ўйин амалиёти йўқлигидан норози, шунинг учун у кетиш имкониятини жиддий кўриб чиқмоқда. "Барселона" келишувга биринчи навбатда қайта сотиб олиш ҳуқуқини киритишга ҳаракат қилади.
Манбага ишонадиган бўлсак, футболчига Дортмунднинг "Боруссия," "Штутгарт" ва Бундеслиганинг бошқа вакиллари даъвогарлик қилмоқда. Transfermarkt портали ҳужумкор ярим ҳимоячининг нархини 2 млн еврога баҳоламоқда.
