Аргентиналик вингер Алехандро Гарначо фаолиятини қаерда давом эттирмоқчи эканлигини аниқлаб олди. 20 ёшли футболчи ҳозирги жамоаси - "Манчестер Юнайтед"да қолишни истамоқда. Бу ҳақда инсайдер Фабрицио Романо хабар бермоқда.
Аввалроқ, матбуотда ҳужумкор ярим ҳимоячига Леверкузеннинг "Байер" клуби қизиқиш билдираётгани ҳақида хабарлар тарқалган эди. Бироқ аргентиналик футболчи "Олд Траффорд"ни тарк этишни истамаяпти.
Ўтган мавсумда Гарначо "қизил иблислар"нинг 58 та ўйинида қатнашиб, 11 та гол ва 10 та голли узатмани ўз ҳисобига ёздириб қўйган. Унинг манкунианликлар билан шартномаси 2028 йилнинг ярмигача мўлжалланган.
