Argentinalik vinger Alexandro Garnacho faoliyatini qayerda davom ettirmoqchi ekanligini aniqlab oldi. 20 yoshli futbolchi hozirgi jamoasi - "Manchester Yunayted"da qolishni istamoqda. Bu haqda insayder Fabrisio Romano xabar bermoqda.
Avvalroq, matbuotda hujumkor yarim himoyachiga Leverkuzenning "Bayer" klubi qiziqish bildirayotgani haqida xabarlar tarqalgan edi. Biroq argentinalik futbolchi "Old Trafford"ni tark etishni istamayapti.
O‘tgan mavsumda Garnacho "qizil iblislar"ning 58 ta o‘yinida qatnashib, 11 ta gol va 10 ta golli uzatmani o‘z hisobiga yozdirib qo‘ygan. Uning mankunianliklar bilan shartnomasi 2028 yilning yarmigacha mo‘ljallangan.
