"Манчестер Юнайтед" вингери Маркус Рэшфорд "Барселона"нинг асосий трансфер мақсади эмас.
"Кўк-анорранглилар" анчадан бери инглизга қизиқиш билдиришмоқда, бироқ энди трансфер даргумон. Diario Sport хабарига кўра, "Барселона"да Рэшфорд трансферини ҳатто "Б режаси" деб ҳисоблашмаяпти. Каталония клубида Луис Диас ("Ливерпуль") ва Нико Уильямс ("Атлетик" Бильбао) танланмоқда, "Манчестер Юнайтед"нинг 27 ёшли футболчиси эса "арзон муқобил" сифатида кўрсатилган.
Миш-мишларга ишонадиган бўлсак, Маркус Рэшфорднинг ўзи ҳам "Барселона"да тўп тепишни жуда хоҳлайди. "Қизил иблислар" ўз тарбияланувчиси учун тахминан 40 млн евро талаб қилади.
