Мойзе Кин фаолиятини Саудия Арабистонида давом эттириши мумкин.
Corriera dello Sport хабарига кўра, "Фиорентина" ҳужумчисига "Ал-Қодисия" клуби қизиқиш билдирмоқда ва у Киннинг 52 миллион евро товон пули тўлашга тайёр. Клуб аллақачон Кин вакиллари билан боғланган.
Шунингдек, ҳужумчига "Манчестер Юнайтед" ва "Фенербахче" клублари ҳам қизиқиш билдираётгани айтилмоқда. Қайд этилишича, Киннинг товон пули 1 июлдан 15 июлгача амал қилади.
Ўз навбатида, Кин "Фиорентина"да қолишга моил, чунки у 2026 йилги жаҳон чемпионатида ўйнашга умид қилмоқда. Флоренция клуби ҳужумчи билан янги шартнома тузишга оптимистик қарамоқда - амалдаги келишув 2029 йилда ўз ниҳоясига етади.
Ўтган мавсумда Кин А Серияда 32 та ўйинда 19 та гол урди ва мусобақанинг иккинчи тўпурарига айланди.
